Tilgangur

Gleym mér ei er félag sem er til staðar fyrir þá sem verða fyrir missi á meðgöngu eða stuttu eftir fæðingu þar sem lítil ljós eru varðveitt og lifa áfram í minningu. GME er styrktarfélag með þann tilgang að halda utan um styrktarsjóð sem notaður er til að styrkja ýmis málefni í tengslum við missi barns á meðgöngu og í/eftir fæðingu.

Stofnun GME

Gleym mér ei styrktarfélag var stofnað haustið 2013 af þeim Önnu Lísu Björnsdóttur, Þórunni Pálsdóttur og Hrafnhildi Hafsteinsdóttur. Sameiginleg reynsla af missi á meðgöngu færði þær saman og með það að markmiði að vinna að því í sjálfboðastarfi að styðja betur við foreldra sem missa.

Styrktarélagið stofnað

Úr varð að styrktarfélagið GME var stofnað á haustdögum 2013. Hefur félagið haft þann tilgang frá stofnun að halda utan um styrktarsjóð sem notaður verður til að styrkja ýmis verkefni í tengslum við missi barns á meðgöngu og í/eftir fæðingu. Félagið er rekið áfram af hugsjón þeirra sem hafa gengið í gegnum að missa og að vera stuðningur við þá aðstandendur sem verða fyrir missi.

Stjórnin—

Árný Heiða Helgadóttir

Stjórn og gjaldkeri

Ingunn Sif Höskulsdóttir

Stjórn og ritari

Pálína Georgsdóttir

Forðamur

Sigríður Vala Halldórsdóttir

Varastjórn

Svandís Edda Gunnarsdóttir

Stjórn

Þórunn Pálsdóttir

Stjórn og framkvæmdastjóri

Samsstarf

Verkefni—

Hér eru nokkur af þeim fjölmörgu verkefnum tengdum missi á meðgöngu sem Gleym mér ei hefur komið að.

Englaklæði

Brúðakjólar voru gefnir í verkefnið Englaklæði sem Jessica Leigh Andrésdóttir var í forsvari fyrir. Þar voru saumuð englaklæði fyrir börn úr brúðarkjólum og gefið á fæðingardeildir á landinu í 2020.

300 kassar minningarkassar 2017-2019

Frá árinu 2017 hefur Gleym mér ei gefið minningarkassa til foreldra sem missa á meðgöngu eða stuttu eftir fæðingu. Alls hafa verið gefnir um 100 kassar á ári og hver kassi kostar 25.000 kr.

Spörkin Telja

Árið 2019 var búið til fræðsluefni um minnkaðar fósturhreyfingar sem Gleym-mér-ei stóð fyrir í samstarfi við Ljósmæðrafélag Íslands, Heilsugæsluna og Landspítalann með stuðningi frá Heilbrigðisráðuneytinu og Landlæknisembættinu.

Spörkin Telja bæklingur smellið HÉR

Þegar gleði breytist í sorg

Endurútgáfa á bæklingum ,,Þegar gleði breytist í sorg” í samvinnu við Landspítala Háskólasjúkrahús, í 2020

,,Við vitum að sorgarferlið tekur lengri tíma en sem nemur þeim fáeinu dögum sem þú og maki þinn eruð í umsjá okkar sem störfum á kvennadeildum Landspítalans. Við vitum að í hönd fer erfiður tími þar sem þið, hvert og eitt, þurfið að takast á við sorg og sárar tilfinningar.

Það er einlæg von okkar að þessi bæklingur nýtist ykkur á þeirri vegferð sem þið eruð nú á, að hann verði ykkur stuðningur og leiðarvísir í sorg ykkar og söknuði. Það er enginn sem getur bægt frá ykkur þeirri sorg sem þið finnið fyrir. Bæklingurinn og sögur þeirra foreldra sem hér fylgja geta þó vonandi leitt huga ykkar að því að þið standið ekki ein. Það eru margir sem bæði geta veitt og vilja veita ykkur aðstoð við þessar erfiðu aðstæður”. (Úr bæklingum ,,Þegar gleði breytist í sorg”).

Lítið ljós

Barnabókin ,,Lítið ljós” eftir Særúnu Hlín Laufeyjardóttur í 2019.

Kristínarstofa

Árið 2018 gaf Gleym mér ei meðgöngu- og sængurlegudeild Landspítala svefnsófa, hægindastól og gardínur á Kristínarstofu.

Myndavélar

Árið 2018 gaf GME tvær myndavélar til Fæðingarvaktar og Meðgöngu- og sængurlegudeildar LSH.

Sorgarmiðstöð

2019 er ár stofnun sorgarmiðstöðvar sem er samvinnuverkefni grasrótarfélaga á sviði sorgarúrvinnslu. Þau eru: Ný dögun, Birta landssamtök, Ljónshjarta og Gleym mér ei. Markmiðið er að styðja syrgjendur og þá sem vinna að velferð þeirra. Sorgarmiðstöð er góðgerðafélag sem byggir tilvist sína og starfsemi á styrkjum. Sorgarmiðstöð er öllum opin, syrgjendum sem fagfólki. Frekari upplýsingar má finna á heimasíðu; https://sorgarmidstod.is/

Föt

Árið 2018 gaf GME föt á andvana fædd börn í 3 stærðum.

Barnavagn og burðarrúm

Árið 2018 færði GME LSH barnavagn og burðarrúm að gjöf.

Árið 2021 færði GME LSH tvö rúm

Gjafir

Þann 12. október 2015 færði Gleym mér ei styrktarfélag meðgöngu- og sængurlegudeild Landspítalans 2 sjúkrarúm og 2 náttborð í samstarfi við nemendur við Háskólann í Reykjavík.

Duftreitur fyrir fóstur

Félagið hefur staðið að endurbótum á Duftreit fyrir fóstur í Fossvogskirkjugarði og hefur sú vinna staðið síðan árið 2013. Vinnu var lokið árið 2017. Hönnuður breytinganna er Kristín María Sigþórsdóttir.

Þann 3. mars 2017 færði Styrktarfélagið Gleym mér ei Meðgöngu- og sængurlegudeild Landspítalans að gjöf tvær fallegar bækur með myndum af duftreitnum fyrir fóstur í Fossvogskirkjugarði. Ljósmyndirnar tók Silja Rut Thorlacius sem einnig hannaði bókina.

Duftreitur myndir

Kælivöggur

Sumarið 2018 gaf GME útfarastofu Kirkjugarðanna kælivöggu. Það er dýrmætt fyrir foreldra að hafa þennan valkost að geta farið með barnið heim, fengið til sín nánustu aðstandendur og átt kveðjustund heima.

Í október 2014 færði Gleym mér ei styrkarfélag Landspítala, Fjórðungssjúkrahúsinu á Akureyri og Heilbrigðisstofnun Vesturlands á Akranesi kælivöggur fyrir andvana fædd börn og lagði fjöldi fólks málefninu lið. Minningarsjóður Magnúsar Brynjars Guðjónssonar gaf kælivögguna sem fór á FSA.

Englaforeldrar á Akranesi tóku þátt í söfnun fyrir kælivöggu sem gefin var á Heilbrigðisstofnun Vestfjarða.

Minningarkassi

Gleym mér ei gefur foreldrum sem missa börn á meðgöngu

minningarkassa til þess að taka með sér heim.

Í september 2016 færði Gleym mér ei styrktarfélag Fæðingarvakt og Meðgöngu- og sængurlegudeild Landspítalans 11 öskjur til að gera fótspor/handaför af andvana fæddum börnum. Foreldarar fá afhendar öskjurnar til minningar.

Lín í kælivöggu

Landspítalinn gaf sérsaumað áklæði í kælivöggur á Landspítala, Akureyri og Akranes.

Lín Design gaf fallegan sængurfatnað í kælivöggur.

Styrkja okkar verkefni